منتدي لمسة جمال

منتدي لمسة جمال نهتم بالذوق الرفيع ديكورات مجوهرات مفروشات ازياء مأكولات
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 12 نصيحة تجميلية لازم كل بنت تعرفها

اذهب الى الأسفل 
كاتب الموضوعرسالة
روح الجمال



المساهمات : 368
تاريخ التسجيل : 28/02/2015

مُساهمةموضوع: 12 نصيحة تجميلية لازم كل بنت تعرفها   الثلاثاء أغسطس 18, 2015 8:48 am






1- اعرفى انه فيه استخدام تانى لـ BB كريم غير انك تحطيه على وشك ، انتى كمان ممكن تستخدميه على جسمك عشان تخبى أثار الحبوب أوالجروح أو حتى حروق ، وهو كمان مفيد جدا على بشرة جسمك لأنه فيه ترطيب وواقى من الشمس وفى نفس الوقت تغطية كاملة للأثار الى بتضايقك فى بشرتك.




2- قبل ماتحطى ميك أب لوشك لازم تتأكدى دايما ان ايديكى الإتنين نضاف جدا ومعقمين ، عشان كدة أنا بنصحك تحطى مع علبة الميك أب جيل معقم لليدين وماتنسيش تستخدميه ابدا على ايدك قبل الميك اب.



3- لازم تعرفى ان فيه أماكن مفضلة انك تحطى فيها عطرك المفضل وهى ( ورا أذنك - منطقة الرسخين - عكس كوعك - عكس ركبك - رقبتك ) لأن المناطق دى ضغط الدم فيها بيكون عالى فبتقدر تحتفظ برائحة العطر وتظهرة أفضل .



4- المشكلة الى بتواجهنا ان العطر الى بنحطه واحنا خارجين اكتر حاجة بيدومها ساعتين مثلا ، بس انتى لو عايزاه يدوم لفترة أكبر ادهنى مرطب الشفايف على المنطقة الى هترشى عليها العطر وبكدة هيساعدك ان العطر يدوم لفترة أطول.

               


5- لازم تعرفى ان فرشاة الأسنان ليها استخدامات تانية غير تنظيف أسنانك ، كمان ممكن تشتخدميها فى تنظيف السشوار وتخليه نضيف عشان الأوساخ الى ممكن تبقى فيه ممكن تيجى على شعرك ، كمان ممكن تستخدميها عشان تنظفى أظافرك وتخليها بتلمع ، وممكن تستخدميها لتقشير شفايفك وتخليها ناعمة.



6- لو كنتى من البنات الى لما بتحط الماسكرا بتوسخ فوق عنيها ف ممكن تحطى كارت فوق عينك تحميها بيه وبكدة ما توسخيش المنطقة دى.




7- لما تفتحى الماسكرا أوعى تطلعى الفرشة وتدخليها على اساس تمليها يعنى لأن انتى بالحركة دى خليتى الهوا والبيكتيريا تدخل جوه الماسكرا فتنشف الماسكارا بسرعة وكمان عينك هتيجى عليها البيكتيريا



8- لو عندك حلق بتحبيه وغطاه ضاع هاتى قلم رصاص وقصى الأستيكه بتاعته واستخدميها غطا للحلق وهتلاقيها أفضل كمان من غطاه الأصلى.



9- لو عندك فى راسك اماكن فاضية من الشعر وفراغات مابتحبيهاش وبتبوظ مظهر شعرك ، هاتى أيشادو أسود أو بنى هسب لون شعرك واملى الفراغات وماتقلقيش الطريقة دى مش هتضر شعرك ولا هتعملك قشرة .



10- لو ماكانش عندك أيلاينر ممكن تستخدمى أيشادو أسود بفرشة مسطحة وتحطيه بطريقتك العادية وهيعجبك شكله أوى ، كمان ممكن تاخدى من الماسكرا بالفرساة المسطحة وتستخدميه زي الأيلاينر.



11- لو كنتى من البنات الى لما بتحط العدسات اللاصقة عنيها بتدمع جربى تغسلى وشك بعد ماتحطيها بمياه باردة كذا مرة لأنها هتخفف من حرارة عينك وهتفيدك.



12- اشتريتى شامبو ومش عاجبك ابدا ، اوعى ترميه ، استخدميه فى غسيل ملابسك السودا هيحافظ عليها وينعمها.

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
12 نصيحة تجميلية لازم كل بنت تعرفها
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي لمسة جمال :: لمسة جمال :: الصحة والجمال-
انتقل الى: