تأثير العين الحمراء
اللي بيبوظ نص الصور اللي بتاخدها
اللي بتقعد كتير تشيل فيه علي الفوتوشوب
اللي هنقولك ايه سببه وازاي تتجنبه تابع معانا
طبعا مبيظهرش الا لما حضرتك تستخدم الفلاش ,, ليه بقا ؟
انت بتبقا في مكان مظلم ( اكيد علشان كده استخدمت الفلاش
)
فبيكون بؤبؤ العين متسع علشان يدخل ضوء اكتر علشان حضرتك تشوف
الفلاش عبارة عن ضوء ,, وبالتالي هو سريع جدا
فهيدخل من الفتحة دي كمية كبيرة منه قبل ما تضيق وينعكس مرة اخري من علي السطح الداخلي للعين
ويخرج من البؤبؤ دا تاني ,, بس وهو بينعكس مبيرجعش ابيض
دا بيرتد احمر نتيجة كمية الدم اللي بتبقي في السطح الداخلي للعين (شعيرات دموية خلف شبكية العين )
علشان يحصل الموضوع دا لازم يكون الفلاش تقريبا في نفس مستوي العين ودا برضو السبب ان عيون القطط بتنور في الظلام
طيب ازاي تمنع الحكاية دي ؟ دي بعض النصائح
- حاول اعادة توجية الفلاش ان امكن ذلك ( مش هينفع في الموبايلات ,, مع ان في ادوات بتخليك تقدر توجهه )
- خللي الفلاش بعيد عن مستوي العين ( لاحظ الفلاش مش العدسة )
- يفضل عدم استخدام الفلاش الخارجي ,, بيقتل الصورة وتحس انها 2d اوي لانه بيشيل كل الظلال
- في برامج تصوير خاصة بتساعدك علي تجنبها خاصة بالموبايل دا غير البرامج اللي بتشيلها تلقائي
- الشخص اللي هيتصور ميبصش للكاميرا
- زوّد النور حواليك
- اتبع القاعدة لو عندك فلاش يمكن فصله عن الكاميرا
الماسفة بين الفلاش والكاميرا تكون 1/20 المسافة بين الكاميرا والشخص اللي هيتصور
يعني لو هو علي بعد مترين يبقا الفلاش علي بعد 10 سم
الأحد أغسطس 23, 2015 7:58 am
