طبعا كلنا بنبقى فى أسوأ حالاتنا مع الدورة الشهرية خصوصا لو جات فى الشتا تعالى اديكى نصايح تتعاملى معاها ازاي عشان تتجنبى ألامها :
1- قبل ما تجيلك الدورة بكام يوم اشربى قرفة أو حليب او يانسون أو كمون أو زنجبيل , وأهم حاجة القرفة لأنها بتنضف الرحم وبتساعد فى نزول الدورة , والزنجبيل دورة يعطر افرازات الدورة .
2- لازم تدفى قدم رجلك ومنطقة الفخذين كويس أوى وممكن عشان تضمنى ده تستخدمى الفازلين العادى هيساعد انه يدفيهم وفوقه البسلا شورط وبنطالون قطن 
وتدهنى من الفازلين برضة فى رجلك وتلبسى شراب وماتمشيش على السيراميك " حافية " .
3- وعشان فى فترة الدورة الإفرازات بتزيد فحاولى تبعدى عن المياه الغازية والخيار والزبادى والكوسة والبامية والمشروبات الحامضية او الساقعة وده لضررها عليكى وبتخلى ريحة الإفرازات كريهه.
4- عندك بقى المنطقة الحساسة بتزيد حساسيتها فى الفترة دى فنصيحة منى ماتستخدميش اي غسول ليها ولو مضطرة أوى يبقى ماية دافية مع ملح خشن ، مرة احدة بس باليوم عشان يعطر المنطقة وبيشفط الروايح الكريهه.
5- ابعدى خالص عن الكريمات والماسكات والتقشير للمنطقة دى لأنها بتكون حساسة جدا ومش هتستحمل كل الى ممكن تحطيه هو مرطب خفيف او زيت اللوز المر او زيت الورد.
6- حافظى على جفاف المنطقة ، وغيرى الفوطة كل 4 ساعات وماتكتريش عن كدة عشان مايحصلكيش التهابات وتجيلك بيكتريا انتى فى غنى عنها.
7- قبل الدورة ماتيجى احلقى الشعر فى المنطقة دى وده عشان مايترسبش فيه الدم ويسببلك بيكتريا .
8- حافظى على الاستحمام بمياه دافية ده هيفيدك كتير.
9- حاولى ماتخديش المسكن الا لو اضطريتى، وماتتعامليش مع الدورة الشهرية على انها حالة مرضية بالعكس مارسى نشاطاتك عادى جدا.
10- تجنبى انك تشيلى أو تزقى أي حاجة تقيلة لأن ده هيأذي ضهرك.
الجمعة ديسمبر 25, 2015 10:04 pm
