موضوع: طريقة بسيطة لتنظيف الأجهزة الكهربائية بمنزلك الثلاثاء مايو 05, 2015 11:25 pm
لو كنتى بتواجهك صعوبة فى تنظيف الأجهزة الكهربائية تعالى أعلمك طريقة سهلة وبسيطة لكل جهاز.
الخلاط الكهربى: عشان تنضفى خلاطك الكهربائى من البيض واللبن والمواد الدهنية الملزوقة فيها هتحطى كمية من الملح مع قشر ليمون وكوب ماء ساخن وتشغلى الخلاط بعدها تعسليه عادى جدا بالماء والصابون.
الغلاية الكهربائية: املى نصف الغلاية بالماء والنص التانى خل وشغليه وسيبيه لمدة 20 دقيقة بعدها اشطفى الغلاية بالماء وكررى الخطوة دى لحد ماتوصلى للنظافة الى انتى عايزاها.
غسالة الأطباق: استبدلى مسحوقها بالخل الأبيض أو الليمون وشغليها دورة غسيل عادية ، ولو فيه بقع صعبة زودى ملح مع الليمون وامسحى بيه الأسطح .
المضرب الكهربى: فى كل مرة تستخدمى فيها المضرب الكهربى اغسلى المضارب بالماء كويس اوى وامسحى قاعدتها بإسفنجة مبللة مع منظف .
الثلاثاء مايو 05, 2015 11:25 pm
