سيدتي التي يميل ذوقك الفاخرإلى الكيكات المميزة والخفيفة أقدم لك الكيكة الهشة والخفيفة من المطبخ الفرنسي وهي أخف بوجود النشاء وأنصحك سيدتي بتجربتها للحصول على النكهة المميزة الكيكة الفرنسية بالنشاء
عالطريقة الفرنسية النشاء واللبن (الزبادي) بهذه الوصفة بجعلو الكيك خفيف و لذيذ كتير بنصحكم تجربوها
المقادير:٥بيضات
كاسة لبن (زبادي )
كاسة و نص طحين
كاسة نشا
نص كاسة زيت
كاسة و نص سكر
برش ليمونة
ظرف فانيليا
ظرف بيكينغ بودر
طريقة التحضير:الالتزام بالخطوات هو سر نجاحها لهذه الكيكة
1-اول خطوة نخفق البيض جيداً ويفضل بالخفاقة الكهربائية بعدين بتضيفي السكر و الفانيليا و برش الليمونة ليتضاعف حجمهن واضافة الزيت اختياري يمكن أن نضيفيه الأن أو بعد إضافة الطحين مباشرة
2-هذه الاثناء ننخل الطحين مع النشا و البيكينغ بودر و يفضل تنخلين اكتر من مرة بتطلع الكيكة اطيب
3-الخطوة الثالثة:نضيف الطحين المنخول مع النشا و البيكينغ لخليط البيض قليلا قليلا وبالتحريك الخفيف و يفضل بلا الخفاقة
4-اخر شي بتضيفي اللبن بعدين الزيت ومتل ما قلت ممكن نضيف الزيت المازولا للبيض المخفوق او بهذه المرحلة
5-بعد الخبز و بعد ما يبرد نقسمه نصفين بالعرض و نحشيه كريمة و بندق محمص و لوز واناناس و بعدين نزين بالكريمة و عالطراف لوز محمص و فواكه.
ملاحظة: اضافة الزيت اختياري بعد خفق البيض يا او بعد اضافة الطحين هي مو مشكلة بس السائل سواء حليب او لبن او اي شي للاخير.
اضافة الزيت لسهولة الخفق نضيفه قبل اضافة الطحين
للخبز نحمي الفرن على درجة حرارة ١٨٠ قبل بربع ساعة و نخبز من تحت للكيك وقبل مرور نص ساعة ممنوع فتح الفرن لان بيهبط
لاختبار استواء الكيكة بعد مرور نص ساعة بسكين نغز بالكيك بس تطلع نضيفة بكون نضج من تحت و نشغل من فوق دقائق بس يخلص خبز خلو بالفرن المطفي شي ربع ساعة
عند اضافة الطحين يفضل الخفق اليدوي بمعلقة خشبية بحركة دائرية مع رفع اليد باتجاه واحد لحتى ما نخسر الهوا الموجود بالخليط
# يفضل نخل الطحين والنشا والبيكينغ أكتر من مرة لنحصل على نتائج رائعة