وأهم اختيار أكيد هو فستان الفرح ،، طبيعي جدا يأخد وقت طويل تختاري فيه ..
لكن بتنسي دايما ان كمان لازم اختيار الـ shoes او الحذاء اللى هتلبسيه مع الفستان ياخد وقت وتفكير مناسب زي الفستان !!
لان ببساطه دا هيتلبس مرة واحدة بس في العمر أو بالكتير مرتين ! وكمان في اليوم دا لازم يبقى كل حاجه في أحسن حالة لها
وهو صعب أوي كدا انك تلاقي الـ shoes المناسب للفرح ؟!
اكيد ، لأن ببساطة مش هتلاقيه معروض في كل محلات الأحذية العادية وممكن يكون على حسب الطلب بس أو يكون موجود في محلات متخصصة فقط في مستلزمات حفل الزفاف
عشان كدا احنا بننصحك بالنصائح دي :
- لازم تكوني مخططه قبلها بوقت كافي انك تختاري حاجه مناسبة ليكي وكمان انك تستبدليه لو كان في مشكله .
- لو هتختاري ان الـ shoes بتاعك يكون لون تاني غير الأبيض أو الاوف وايت فلاوم تهتمي ان يكون في تانسق في الالوان بينه وبين الاكسسورات اللى هتلبسيها .
- لازم تبقى عارفه انك هتقفي ساعات كتيرة في الفرح وكمان هترقصي وهتتحركي كتير ، فلازم تختاري حاجه مريحة عشان متحسيش بألم في القدم لمدة أيام أو على الأقل يوم الفرح .
- لازم تكوني عارفه ان مفيش اي حاجه تجبرك انك تلبسي جلد صناعي او shoes مقفول و حاجات مماثله ، غالبا الجلد الطبيعي هيكون هو أفضل اختيار مريح .
- مش دايما الأغلى بيكون هو الأفضل ، اختاري التصميم ومادة الصنع اللى تكوني مرتاحه وانتى لبساها حتى لو أقل في السعر ممكن تكون الأفضل .
- البسيهم قبل الفرح مرة أو مرتين عشان متبقاش يوم الفرح أول مرة تلبسيهم وتكوني اتعودتي عليهم ويكونوا بدأو يريحوا رجلك .
الإثنين مارس 28, 2016 9:59 pm
